Play-Off 2014/15

Vajzat e Partizanit kane fituar derbin e dyte ne play-off duke barazuar ne 1-1 ndeshjet kunder Tiranes. Ka qene nje ndeshje e bukur e vajzave te kuqe qe ne fund kane triumfuar me rezultatin 3-1 me sete.

Ndeshja e pare u mbyll 3-0 per vajzat e Tiranes, por Partizani me fitoren e djeshme ka barazuar serine e play-off dhe tani fituesja do te vendoset diten e merkure, me date 08/04/2015 ora 17.00 në sallën 'Fahrie Hoti". SKuadra qe kualifikohet do te ndeshet ne finale me Barleti Volej.

02.04.15 | Tirana - Partizani 3-0
05.04.15 | Partizani - Tirana 3-1
08.04.15 | Tirana - Partizani

Partizani eshte eleminuar ne ndeshjen e trete te play-off nga Tirana

Gjithesesi ka qene nje sezon i mire duke konsideruar se ka nisur pa nje salle per te zhvilluar ndeshjet per skuadren e kuqe

Tirana mund Partizanin dhe siguron finalen

Tirana fiton derbin me Partizanin dhe pret biletën e fundit të vlefshme për finalen e kampionatit, ku do të gjejë përballë më datë 12 prill (të dielën) kampionen në fuqi të Barleti Volej. Në sallës sportive “Fahrie Hoti”, skuadra e drejtuar nga Gorenxa ka fituar me rezultatin 3-0 një ndeshje plot me emocione në parket. Për t’u nënvizuar edhe një herë tjetër paraqitja e shkëlqyer e kapitenes së Tiranës, Amarilda Prenga, e cila ka rezultuar protagonistja kryesore në parket duke udhëhequr bardheblutë drejt finales së madhe.

Ndeshja

Dy ekipet rivalizojnë që në fillim të setit të parë të takimit. Tirana krijon një diferencë të shkurtër në goditjet e para të lojës, por ish-lojtarja e bardhebluve, Xhixha, më e mira në parketpër Partizanin, arrin të ruajë ekuilibrat. Fundi i setit të parë është dramatik për vajza e drejtuara nga Roland Tarja. Partizani “përkëdhel” fitoren teksa kryeson me rezultatin 24-20 në fund të setit. Të kuqve u mjafton vetëm një pikë për të fituar ndeshjen, por duket se nuk i kishin bërë mirë llogaritë me Prengën, e cila është e “pathyeshme” duke realizuar tri pikë radhazi. Partizani humbet besim, ndërsa Tirana shfrytëzon “përgjumjen” e kundërshtarit duke përmbysur gjithçka në shifrat 26-24. Fitorja e setit të parë i ka dhënë më shumë besim Tiranës, që ndryshe nga seti i kaluar, tek i dyti e kërkon më shumë fitoren dhe në fund triumfon me rezultatin 25-22.

TIRANA-PARTIZANI 3-0 (2-1)
(26-24, 25-22, 25-18)

TIRANA: Am.Prenga, E.Meta (l),Blloku, Thaka, Matraku, Pira, Hoxha,Agolli, Gega, Shehi (l).
Trajner: A.Gorenca
PARTIZANI: Xhixha, M.Tuci,Xheka, Reka, Shehu, Shaba,Baruti, Zeqirllari (l), Xhelilaj, Xhaferraj,Goxhaj, Shera, Agolli (l).
Trajner: R.Tarja
GJYQTARË: E.Mujo, T.Zguri