Java 5: Terbuni - PARTIZANI

NDRYSHIME TË VOGLA NË FORMACION KUNDËR TËRBUNIT

25.09.2015 | 15:20
Trajneri i Partizanit, Sulejman Starova kristalizon formacionin që planifikon të hedhë në fushë për transfertën e Pukës. Rreth 24 orë nga fillimi i sfidës së javës së 5 të Kategorisë Superiore ku Partizani do të sfidojë Tërbunin, të kuqtë u dhanë dorën e fundit përgatitjeve në kompleksin në Pezë Helmës.

Fillimisht trajneri Starova zhvilloi një bisedë më lojtarët dhë më pas nisi punën për fazën finale të përgatitjeve me shumë pak pikëpyetje në kokë. Nga ajo që u vu re në stërvitjen e fundit, katërshja e mbrojtjes do të përbëhet nga Ibrahimi që do të zëvendësojë Kalarin, Vrapi, Bicaj dhe Fejzullahu, ndërsa në mesin e fushës Bylykbashi mund të startojë titullar bashkë me dyshen Batha dhe Trashi të cilët u stërvitën rregullisht me grupin që mendohet se do të zbres në fushë që nga minuta e parë.
Gjithsesi, një tjetër alternativë është edhe ndërtimi i mesfushës me dy elementë për të spostuar Morinin prapa qëndërsulmuesit në një formacion të mundshëm 4-2-3-1. Mazrekaj do të veprojë më i avancuar në fazën e sulmit për të mbështetur Sukajn, ndërsa në krahun e djathtë do të luajë Sebino Plaku.

Ajo që ra në sy edhe gjatë seancës së fundit stërvitore ishte mungesa e qëndërsulmuesit Stevan Racic. Ndërkohë, Fazlliu nuk u bashkua me grupin për të marrë pjesë në veprimet teknike pasi po punon për të eleminuar problemet me muskujt e barkut. Sipas stafit mjekësor të skuadrës kryeqytetase, sulmuesi nga Kosova do të jetë në dispozicion të trajnerit Starova për sfidën e Pukës.
Partizani eshte aktualisht ne vend te dyte ne renditje me nje barazim dhe tre fitore ne kater javet e para. Deri tani skuadra ka treguar nje loje te mire dhe ka dominuar ne cdo ndeshje. Ne Puke sigurisht qe priten perseri tre piket, por sulmi duhet te funksionoje qe te arrihet te fitorja.

Ndeshja do të luhet të shtunën në orën 13:00 dhe do të transmetohet në kanalet SS3-SS3HD.

http://partizani.net/sq/Futboll_lajme/Category/Futboll_lajme/Ndryshime-t%C3%AB-vogla-n%C3%AB-formacion-kund%C3%ABr-T%C3%ABrbunit

pavarsisht fitores dhe pikeve,ne na mungon fantazisti,mungesa e te cilit ndihet shume.