Duro: Faza e katert decizive, mobilizim maksimal

Trajneri Shpetim Duro ka folur sot per mediat ne lidhje me ndeshjen e rradhes dhe fazen e katert dhe finale te Superliges shqiptare. Ai ka permendur tre mungesat e rendesishme ne ndeshjen e rradhes si dhe ka vene theksin te rendesia e te gjitha ndeshjeve te mbetura ne kete faze.

"Skuadra vjen në këtë përballje me tre mungesa shumë të rëndësishme. Mazrekaj dhe Fazliu janë në fazë rikuperimi nga dëmtimi dhe kapiteni Nexhipi i pezulluar me kartonë . Kontigjenti i lojtarëve që kemi në dispozicion jam shumë i sigurt që do i zëvendësojnë denjësisht mungesat për këtë përballje. Faza e katërt është deçizive dhe shumë e rëndëshishme. Ndeshjet duhen parë me vëmendjen maksimale. Nuk duhen bërë hapa fals. Aktualisht jemi të përqëndruar në ndeshjen e së dielës, ku përball kemi një ekip i cili ka treguar një dhe ecuri shumë pozitive në kampionat. Objektivi ynë i vetëm në këtë përballje është fitorja. Në këtë sfidë shkojmë me moral të lart, pas rezultateve pozitive të arritura së fundmi, por çdo ndeshje kërkon mobilizimin maksimal. E kam përmendur edhe më parë ku kam theksuar që Partizani do jetë deri në fund skuadër rivale për titull kampion. Kjo fazë nuk ka përballje të lehta . Ndaj çdo kundërshtari duhet të jemi të kujdesshëm. Raçiç po tregon një formë shumë të mirë dhe sigurisht ka dhënë kontributin e tij në skuadër me golat e shënuar, të cilët kanë qënë deçiziv në shumë ndeshje, por kjo jo vetëm merit e tij por e të gjithë grupit. Jam i kënaqur me lojtarët që kam në ekip, të cilët po tregojnë ecuri pozitive."