Pano akuzon lojtarët: S’mendojnë fanellën, por tjetër gjë

Ledio Pano akuzon lojtarët: S’mendojnë fanellën, por tjetër gjë

Lojtarët e Partizanit e kanë mendjen diku tjetër dhe jo te fanella që mbajnë veshur”, kjo ishte deklarata që ish-mesfushori i të kuqve, Ledio Pano, bëri të dielën në “Rubrika Sportive” në TVSH.

Pano pohoi se ka mësuar se gjendja nuk është e mirë dhe për këtë bëri fajtorë lojtarët, të cilët janë transformuar për keq në pjesën e dytë të sezonit. Ish-lojtari dhe trajneri i Partizanit tha se kjo është esenca e asaj që po ndodh aktualisht në ekip, por nuk pranoi të japë detaje të mëtejshme.

Fjalët e Panos janë analizuar edhe nga paneli i pranishëm, ku bënin pjesë edhe disa ish-trajnerë, si Edmond Gëzdari, Shkëlqim Muça dhe Astrit Canaj. Të gjithë ishin në unison se shkaktarë për transformimin e Partizanit në pjesën e dytë të sezonit janë futbollistët, të cilët duket sikur u ka hyrë vetja në qejf nga lëvdatat që morën në pjesën e parë të kampionatit.